वीरगन्ज । लोकतन्त्रको महापर्व आगामी निर्वाचनलाई लक्षित गर्दै जनमत पार्टीले मतदाता दर्ता अभियानलाई गाउँ–गाउँ र टोल–टोलसम्म पुर्‍याउने उद्देश्यका साथ ‘घर–घर जनसन्देश’ अभियान सुरु गरेको छ।

पार्टीले वीरगन्ज महानगरपालिका–१६ का नगवा र फुलवारी टोलमा शुक्रबार उत्प्रेरणामूलक घरदैलो कार्यक्रम सम्पन्न गरेको छ।सो क्रममा जनमत पार्टीका कार्यकर्ताहरूले स्थानीय बासिन्दासँग भेटघाट गर्दै मतदाता नामावलीमा आफ्नो नाम अनिवार्य रूपमा दर्ता गराउन र मतदानमा सहभागी हुन आग्रह गरेका थिए।जनमत पार्टी पर्साका अध्यक्ष ओमप्रकाश सर्राफका अनुसार, “लोकतन्त्रको महापर्वमा कोही पनि नागरिक मताधिकार प्रयोगबाट वञ्चित नहोस्” भन्ने उद्देश्यले यो घरदैलो अभियान सञ्चालन गरिएको हो।
कार्यक्रममा नेताहरू भुपेन्द्र साह, युवा दस्ताका जिल्ला अध्यक्ष मनोज साह, उपाध्यक्ष रोषण पान्डे, दलित जिल्ला अध्यक्ष नरेश राम,जिल्ला सदस्यहरु सत्जिव साह,तुलसि राम, क्षेत्रीय संयोजक डा. मनोज साह ,निखिल चौरसिया, सुमित सिह,मन्जय साह लगायतको सक्रिय सहभागीता रहेको थियो।यो अभियान अहिले पर्साका गाउँ–गाउँ र बस्ती–बस्तीमा विस्तार हुँदै गएको छ।पार्टीले जनचेतनाको यो पहललाई निरन्तरता दिने र सबै नागरिकलाई मतदाता सूचीमा समेट्ने तयारी गरेको जनाएको छ।जनमत पार्टीले लोकतान्त्रिक सहभागिता र सचेत मतदाताको निर्माणलाई दीर्घकालीन लक्ष्यका रूपमा लिएको बताएको छ।

दिपक , 20 कात्तिक /भदौ २४ गतेको जेनजी आन्दोलनको क्रममा नेपाल प्रहरीको लुटिएको हतियारसहित एक जना काठमाडौँबाट पक्राउ परेका छन्। काठमाडौं उपत्यका अपराध अनुसन्धान कार्यालय टेकुको विशेष टोलीले कैलाली टिकापुरका शिवराज धमलालाई प्रहरीबाट लुटिएको ३ थान हतियारसहित तारकेश्वरबाट पक्राउ गरेको हो। धमलाले सुरुमा पेस्तोल विक्री गर्न खोजेका थिए। अपरिचित भेषमा प्रहरी भने खरिदकर्ता बनेर उनसमक्ष पुगेको थियो। ग्राहक बनेर गएको प्रहरी र धमलाबीच सुरुमा हतियार हेर्ने र त्यसपछि कतिमा किन्ने भन्ने सहमति भयो।

बिक्रीका लागि हतियार देखाएका धमलालाई अनि मात्र थाहा भयो- खरिद कर्ताले नै हातमा हतकडी लगाइदिए। त्यसपछि प्रहरीले उनको कोठामा पनि खानतलासी गर्‍यो। त्यसक्रममा थप दुई वटा हतियार पनि बरामद गरिएको प्रहरीले जानकारी दिएको छ। धमला पठाओ चालक हुन्। उनलाई आज बुधबार पक्राउ गरेको हो। उनीसँग थप सोधपुछ र अनुसन्धान भइरहेको उपत्यका अपराध अनुसन्धान कार्यालयका प्रवक्ता एसपी काजीप्रसाद आचार्यले बताए।