बाराबाट हत्या गरिएको अवस्थामा शव भेटियो

वीरगंज, १ कात्तिक । वीरगंज महानगरपालिकाको छपकैया निवासी वीरेन्द्र सर्राफको वीरगंज–कलैया सडकखण्डको गण्डकचोकदेखि एक किलोमिटर दक्षिण नहरमा शव भेटिएको छ ।
जिल्ला प्रहरी कार्यालय बारा र इलाका प्रहरी कार्यालय प्रसौनीको प्रहरी टोली शव रहेको स्थलमा पुगेर अनुसन्धान गरिरहेको इलाका प्रहरी कार्यालय प्रसौनीका प्रहरी निरीक्षक भेषराज भट्टले जानकारी गराए ।
भारत, रक्सौल घर भई हाल सर्राफ को घरमा डेरा लिई बस्ने विजय गुप्ता कलवारसंगै उनी गत असोज २७ गतेदेखि बेपत्ता भएका थिए । सर्राफको शव पोस्टमार्टमको लागि नारायणी अस्पताल पठाइएको छ भने घटनाबारे अनुसन्धान भइरहेको प्रनि भट्टले जानकारी गराएका छन् ।