spot_img

मोवाइलको लागि विवाद हुँदा साथीको हत्या, दुर्ईजना पक्राउ

जनकपुर, १२ कार्तिक । मोवाइलको विवादका कारण जनकपुरधाममा एक युवकको ज्यान गएको रहस्य खुलेको छ ।
जनकपुरधाम उपमहानगरपालिका वडा नम्बर २४ स्थित सोनापारा बस्ने २४ वर्षीय रूपेश महराको हत्या लागुऔषध सेवन गरी मोवाइलको विषयमा विवाद हुदाँ भएको विवादका कारण भएको हो । उनको हत्या जनकपुरधाम सोनापाडा बस्ने २० वर्षीय पवन सहनी र हरिचन मण्डलले गरेको धनुषा प्रहरीले जनाएको छ । हत्याको आरोपमा प्रहरीले दुवै जनालाई पक्राउ गरेको छ ।
वितेको बिहीवार जनकपुरधाम उपमहानगरपालिका वडा नम्बर २३ स्थित बेलामा रहेको धान खेतमा रूपेशको शव धनुषा प्रहरीलाई फेला परेको थियो । घटनास्थलमा अनुसन्धानका लागि धनुषा प्रहरीले ‘डग’ टोलीसमेत परिचालन गरेको थियो ।
धनुषाका प्रहरी उपरीक्षक विश्वराज खड्काले तीनैजना लागूऔषध सेवन गरेपछि मोबाइलको विषयमा समान्य विवाद भएको र सोही कारण पवन र हरिचनले रूपेशको टाउकोमा बाँसको भाटा प्रहार गरी हत्या गरी धान खेतमा शव फालेको बताए ।
उनले बाँसको भाटा प्रहार गरेर घाइते अवस्थामा छाडेर गएपछि रूपेशको मृत्यु भएको हुन सक्ने प्रारम्भिक अनुसन्धानबाट खुलेको बताए । उनीहरू बुधवार टेम्पो चढेर जटही हुँदै भारतपारी बजारमा गएर लागुऔषध नाईट्राभेट ट्यावलेट खरिद गरी मिरिनडा पे–पदार्थमा मिसाई सेवन गरेको प्रारम्भिक अनुसन्धानबाट खुलेको उनले बताए ।
प्रहरी उपरीक्षक खड्काका अनुसार लागूऔषधसेवन गरी सोही रात करिब साढे ९ बजे तर्पm पुनः जनकपुरधाम आएर जनकपुरधाम उप–महानगर वडा नं. २३ स्थित बाटोमा मोवाईल सेटलाई लिएर विवाद हुँदा हरिचनले बाँसको गोलो भाटाले मृतक रूपेशको टाउकोलगायत पिठ्युमा समेत प्रहार गरी फालेको थियो ।
पवन सहनीले निज हरिचन मण्डललाई कुटपीटमा सघाएको उनको भनाइ छ । यता पक्राउ परेका दुवै जना माथि कर्तव्य ज्यान मुद्दामा म्याद गरी थप अनुसन्धान भइरहेको उनले बताए ।
प्रतिक्रिया लेख्नुहोस्
neelambads

ताजा खबर

सम्बन्धित खबर