दिपक कुशवाहा वीरगज/
बारा जिल्लाका केही नाकाहरूबाट तस्करी धन्दा शुरू भएको छ । नेपालीहरूको महत्त्वपूर्ण चाडपर्व नजिकिँदै गर्दा बारा जिल्लाका केही नाकाहरूबाट भने तस्करी धन्दा व्यापक हुन थालेको छ। अहिले बाराको बलिरामपुर नाकाबाट नेपाल प्रहरी र सशस्त्र प्रहरी बलको सेटिङमा व्यापक तस्करी भैरहेको छ ।
तस्करीको लाइन दुबै प्रहरीले दिएका छन् । यो नाकाबाट कपडा र प्याजको ठूलो तस्करी चलेको छ। कपडाको तस्करी गर्ने गरि लाइन पाउनेमा सन्तोष तुराहा , मुन्ना साह , दीपक कुमार यादव , जयलाल यादव , शेखावत , बिरेन्द्र नुनिया, कमलेश समेत छन् । उनीहरूले कपडाको ठूलो तस्करी गरिरहेका छन् । त्यसैगरी सुरेन्द्र कलवार भन्नेलाई प्याजको तस्करी गर्ने लाइन दिइएको छ। तस्कर देखि कारोवारीसंग भेट्ने काम नेपाल प्रहरीको हकमा सई रबिन्द्र साह तुराहा आंफैले गर्ने गरेको चौकीैकै प्रहरीहरू बताउँछन् । त्यसैगरी सशस्त्र प्रहरीको हकमा स्थानीय फरवार्ड बेशको प्रमुख सई भए पनि तस्कर र कारोवारी भेट्ने काम डियुटीमा खटिएका सशस्त्र प्रहरीले नै गर्दै आएका छन् । सई भाग मात्रै लिने तर कारोवारीहरू सामु नदेखिने गरेको स्थानीय व्यापारी बताउँछन् । चेकजाँच गर्ने ठाउँ र सशस्त्रको सई बस्ने क्याम्प १५ मिनेटको दूरीमा रहेको छ।
