spot_img

सदस्यता विवाद टुंग्याएर मात्र पत्रकार महासंघको जिल्ला अधिवेशन गर्न प्रेस युनियन पर्साको माग

पढ्न छुटाउनुभयो ?

वीरगन्ज,२६चैत/

नेपाल प्रेस युनियन पर्साले सदस्यता विवादको टुङ्गो नलागेसम्म नेपाल पत्रकार महासंघको जिल्ला अधिवेशनको मिति नतोक्न माग गरेको छ ।

सोमबार नेपाल पत्रकार महासंघ पर्सा शाखाका अध्यक्ष अनुप तिवारीलाई प्रेस युनियन पर्साका अध्यक्ष विजय महतोले ज्ञापनपत्र बुझाउँदै महासंघको सदस्यताको विवाद टुंग्याएरमात्र महासंघको जिल्ला अधिवेशनको मिति तोक्न माग गरेका हुन् ।

प्रेस युनियन पर्साले बुझाएको ज्ञापनपत्रमा भनिएको छ–‘पर्साबाट पत्रकार महासंघले सदस्यता शुद्धिकरण र नयाँ सदस्यताका लागि गरेको सिफारिस प्रति प्रेस युनियन लगायतका अन्य संघसंगठनले यसअघि नै विरोध जनाइसकेकोले सदस्यता सिफरिस नै विवादीत रहेको छ । तसर्थ सदस्यता सम्बन्धि उक्त विवाद टुंग्याएर सबै संघसंगठनको सहमतिमा मात्र जिल्ला अधिवेशनको मिति तोक्न प्रेस युनियन पर्साले माग गर्दछ ।’

प्रेस युनियनको यो माग र आग्रहलाई यदि अटेर गरेर पत्रकार महासंघ पर्साले जिल्ला अधिवेशनको मिति तोकेमा त्यसविरुद्ध प्रेस युनियन चरणबद्ध आन्दोलनमा उत्रिने चेतावनी समेत प्रेस युनियन पर्साले दिएको छ ।

प्रेस युनियनका अध्यक्ष महतोका अनुसार, यहि माग राखेर प्रेस युनियन पर्सा शाखाले पत्रकार महासंघ मधेस प्रदेश समिति र केन्द्रिय कार्य समितिलाईपनि ज्ञापनपत्र बुझाइएको छ । ज्ञापनत्र बुझाउन गएको टोलीमा प्रेस युनियन पर्साका उपाध्यक्ष क्रान्ति शाह, सचिव इरफान अली,कोषाध्यक्ष कपिलदेव यादव, प्रदेश सदस्य उदय दास ,जिल्ला सदस्य सन्जय गुप्ता, राकेश चौरसिया लगायतको सहभागीता थियो ।

प्रतिक्रिया लेख्नुहोस्
- Advertisement -spot_img
spot_img

ताजा खबर

रामराजा क्याम्पस प्रमुखको गोली हानी हत्या, दुईजना पक्राउ

बारा, ३२ जेठ । बारा जिल्लाको कलैयास्थित रामराजा बहुमुखी क्याम्पसका प्रमुख हरिभूषण कुशवाहाको गोली हानी हत्या गरेको घटनामा संलग्न...

सम्बन्धित खबर