मेयर सिंहले पत्रकार खानलाई दिए उपचार खर्च ५० हजार

वीरगंज, ३ असोज । वीरगंज महानगरपालिकाका नगरप्रमुख राजेशमान सिंहले फोक्सोको रोगबाट ग्रसित पत्रकार नेहाल खानको उपचारका लागि रु ५० हजार सहयोग गरेका छन् ।
कोरोना महामारीका बेला कोभिडमा संक्रमित भएर निको भएका पत्रकार खानको फोक्सोमा फेरि समस्या भएपछि अहिले उनको वीरगंजस्थित नारायणी अस्पतालको आईसीयूमा राखेर उपचार चलिरहेको छ ।
पत्रकार खान अस्पतालमा भर्ना भएको जानकारी पाउनासाथ मेयर सिंहले बुधवार बिहान आफ्नो व्यक्तिगत तर्पmबाट ५० हजार रुपियाँँ सहयोग उपलब्ध गरेका हुन् । मेयर सिंहका स्वकीय सचिव अफरोज आलम, प्रेस सल्लाहकार महेस दास, समाजसेवी एवं युवा नेता सुरेशमान सिंह लगायतले अस्पतालमै पुगेर खानलाई ५० हजार रुपियाँँको चेक चेक हस्तान्तरण गरेका हुन् ।
मेयर सिंहले पत्रकार खानको उपचारका लागि आफूले व्यक्तिगत रूपमा अहिले सहयोग गरेको र थप सहयोगका लागि सँधै तत्पर रहेको बताए । वीरगंजका पत्रकार र पत्रकारिताको सुरक्षा तथा संरक्षणका लागि कहिल्यै पनि आफू पछि नहट्ने भन्दै उनले पत्रकार खानको उपचारका लागि आवश्यक पर्ने अन्य सबै सहयोग गरिने बताए ।
पत्रकार खानको पत्नी पनि अहिले क्यान्सर रोगका कारण उपचाररत नै छिन् । पतिपत्नी दुवै रोगबाट ग्रसित हुँदा उपचारका लागि आवश्यक रकम जुटाउन सञ्चारकर्मीहरूले सामाजिक सञ्जाल मार्पmत आवश्यक सहयोग गर्न भन्दै अपिल गरेका छन् ।