वीरगंज ३० असोज । चित्रांश यूथ टिम वीरगंजको आयोजनामा चित्रगुप्त समिति वीरगंजले पहिलो कायस्थ सुपर सिक्स नकआउट प्रतियोगिता–२०८२” आयोजना गर्ने जनाएको छ । बिहीवार वीरगंजमा पत्रकार सम्मेलनको आयोजना गर्दै कार्यक्रम संयोजक प्रकाश कर्ण, मिहिर कर्ण, महेश दास र राजन श्रीवास्तवले प्रतियोगिता सम्बन्धी जानकारी गराएका छन्। उक्त प्रतियोगिता कार्तिक ७ गते बिहान ७ बजेदेखि वीरगंजको ज्ञानदा एकेडेमीको मैदानमा शुरू हुनेछ। यो प्रतियोगिता सुपर सिक्स नकआउट प्रारूपमा खेलाइनेछ, जसअन्तर्गत कुल १० टिमहरू सहभागी हुनेछन् । प्रत्येक खेल ५ ओभरको हुनेछ र सम्पूर्ण प्रतियोगिता एकै दिनमा सम्पन्न गरिने संयोजकहरूले बताएका छन् । सहभागी टिमहरूका खेलाडीहरूको अक्सन (किनबेच प्रक्रिया) समेत गरिने कार्यक्रममा जानकारी गराइएको थियो ।
प्रतिक्रिया लेख्नुहोस्
