महिलाबीच विवादः चक्कु लागेर महिला घाइते

वीरगंज, २६ कात्तिक । वीरगंजमा दुई महिलाहरुबीच एकापसमा भएको विवादमा एकले अर्कोलाई चक्कु प्रहार गरी घाइते बनाएका छन् । वीरगंज महानगर–३ चित्रगुप्त टोलमा डेरामा बस्ने खुसी कुमारी वर्णवालले छिमेकी ४२ वर्षीया नूतन कुमारी कर्णमाथि चक्कु प्रहार गरेको प्रहरीले जनाएको छ ।
रौतहटको गौर नगरपालिका–५ स्थायी घर भइ हाल वीरगंज–१ चित्रगुप्त टोलमै डेरा लिएर बस्ने २५ वर्षीया खुसी कुमारी बर्णवाललाई चक्कु प्रहार गरेको आरोपमा प्रहरीले पक्राउ गरिरहेको जनाएको छ ।
रामाशंकर मलिकको घरमा भाडामा बस्दै आएकी खुसीले नूतनमाथि छुरा प्रहार गरेपछि घाइते भएको र उनको नारायणी अस्पतालमा उपचार भइरहेको छ । नूतन र खुशीबीच झैझगडा हुनुको कारणबारे प्रहरीले अनुसन्धान गरिरहेको छ ।
चक्कु प्रहार गर्ने खुशीलाई प्रहरीले नियन्त्रणमा लिएर वडा प्रहरी कार्यालय वीर्ताको हिरासतमा राखेको प्रहरी निरीक्षक सुवेदीले बताए । दुवै जनाबीच झगडा भइरहेका बेला आवेशमा आएर खुशीले तरकारी काट्ने चक्कुले नुतनमाथि प्रहार गरेकी थिइन् । घाइतेको उपचार भइरहेको छ, भने उनको अवस्था सामान्य छ ।