spot_img

मधेशको राजधानी जनकपुरको सडकमा दिनदहाडै हत्या

पढ्न छुटाउनुभयो ?

जनकपुर धाम, २६ चैत/
धनुषाको जनकपुरमा छुरा प्रहार गरी एक जनाको हत्या भएको छ । जनकपुर उपमहानगरपालिका वडा नम्बर ४ स्थित विश्वकर्मा चोकमा आज दिउँसो छुरा प्रहार हुँदा एक जनाको मृत्यु भएको हो ।

जनकपुर प्रहरीका अनुसार प्रीन्सकुमार महासेठको छुरा प्रहारबाट मृत्यु भएको हो । महोत्तरी जिल्ला डाडा गाउँपालिका निवासी महासेठको छातीको बाँया भागमा छुरा प्रहार गरिएको पाइएको धनुषा प्रहरी प्रवक्ता रञ्जन अवाले जनाए । घाइते भएका महासेठको उपचारको क्रममा प्रादेशिक अस्पताल जनकपुरमा मृत्यु भएको धनुषा प्रहरीले जानकारी दिएको छ  ।

प्रहरी प्रवक्ता अवाका अनुसार घटनाबारे प्रहरीलाई सूचना आउनसाथ प्रहरीले आफ्नो सक्रियता बढाउँदै संलग्न २ जनालाई पक्राउ गरेको छ । तर अहिले उनीहरुमाथि अनुसन्धान चलिरहेकोले नाम भने गोप्य राखिएको प्रहरी प्रवक्ता अवा बताउँछन् । पक्राउ परेकाहरुको साथबाट हत्यामा प्रयोग गरिएका केही सामग्रीसमेत बरामद भएको प्रहरी स्रोतले जनाएको छ  ।

हत्यामा संलग्न रहेकाहरु लागु औषधको सेवनकर्ता रहेको प्रहरीको प्रारम्भिक अनुसन्धान खुलेको प्रहरी प्रवक्ता अवाले बताए । सडकमा आपसी विवाद हुँदा छुरा प्रहार गरिएको प्रहरीको प्रारम्भिक अनुसनधानबाट थाहा भएको छ । पक्राउ परेकाहरुलाई प्रहरी हिरासतमा राखी थप अनुसन्धान प्रक्रिया अगाडि  बढाइएको धनुषा प्रहरी कार्यालयले जनाएको छ ।

प्रतिक्रिया लेख्नुहोस्
- Advertisement -spot_img
spot_img

ताजा खबर

१४ वटै पालिकामा सरकारी अनुदान पुग्यो

जेठ ७ / पर्सा बिरगंज। कोष तथा लेखा नियन्त्रक कार्यालय, पर्साले सङ्घ सरकारबाट प्रदान गरिने चालू तथा पूँजीगत शीर्षकमा १४...

सम्बन्धित खबर