स्वदेशी उद्योगलाई सबल र सक्षम बनाउनुपर्छ– मुख्यमन्त्री सिंह

वीरगंज, ३१ भदौ । मधेस प्रदेशका मुख्यमन्त्री सतिशकुमार सिंहले स्वदेशी उद्योगलाई सवल र समक्ष बनाउनुपर्नेमा जोड दिनुभएको छ ।
नेपाल उद्योग परिसङघ युवा उद्यमीमञ्च मधेस प्रदेश च्याप्टरको आज वीरगंजमा आयोजित उदघाटन कार्यक्रममा बोल्दै उहाँले स्वदेशमा उत्पादन भएको वस्तु तथा सामानलाई विदेशमा निर्यात गर्ने गरी काम गर्न उद्योगी व्यवसायीलाई अनुरोध गर्नुभयो ।
प्रदेश सरकारले उद्योग र व्यवसायलाई प्रवद्र्धन गरी गर्ने कार्यविधि बनाउन लागेको बताउनुहुँदै कार्यविधि अन्तिम चरणमा पुगेको जानकारी दिनुभयो ।
“सरकारले उद्योग र व्यवसायलाई अगाडि बढाउन सक्दैन भने उहाँहरूका समस्या समाधान हुन सक्दैन”, मुख्यमन्त्री सिंहले भन्नुभयो । उहाँले कार्यविधि उद्योगमैत्री भएकाले प्रदेशमा उद्योग तथा व्यवसाय फस्टाउनेमा विश्वास व्यक्त गर्नुभयो ।
“अहिले नेपालबाट विदेशी मुलुकमा लाखौंँ अर्धदक्ष जनशक्ति गइरहेको अवस्था छ, तर स्वदेशी उद्योगमा जनशक्ति अभाव भइरहेको छ”, उहाँले भन्नुभयो, “सीप सिकेका जनशक्ति नहुँदा विदेशी मुलुकबाट दक्ष कामदार ल्याउनुपर्ने बाध्यता कायमै छ ।”
त्यस अवसरमा नेपाल उद्योग परिसङघका अध्यक्ष राजेशकुमार अग्रवालले मधेस प्रदेशमा युवा उद्यमीले नवप्रवर्तकमार्पmत उद्यमशीलताको विकास गर्नुपर्ने बताउनुभयो । नेपाल उद्योग परिसङघ मधेस प्रदेशका अध्यक्ष प्रमोदकुमार साहले प्रदेशका युवालाई उद्यमशिलतासँग जोड्नुपर्ने आवश्यकता औँल्याउनुभयो । नेपाल उद्योग परिसङघ युवा उद्यमी मञ्चका अध्यक्ष आशीष अग्रवालले प्रदेश आर्थिक र औद्योगिक नगरी भएकाले पनि युवा उद्यमीहरू लगनशील भएर अघि बढ्न जरूरी रहेको बताउनुभयो । नेपाल उद्योग परिसङघ युवाउद्यमी मञ्च मधेस प्रदेश च्याप्टरका अध्यक्ष रजत बजाजले प्रदेशका सबै खालका युवालाई समेट्ेर उद्यमशीलताको विकास र प्रवद्र्धन गर्नुपर्ने धारणा व्यक्त गर्नुभयो ।